Maruja Mallo

A nosa proposta, dentro do proxecto de Voz Natura "senplastiFICAR", é a de realizar un traballo común e interdisciplinar que consiste en que cada aula/curso investigue a unha muller que destaca no mundo das artes (sobre o seu país, a súa cultura, a súa obra...) Todo o aprendido sobre esa figura relevante, en calquera disciplina (literatura, pintura, música, danza...) aplícase na elaboración dunha creación artística realizada con plásticos reciclados. Na entrada do cole, cada mes, o alumnado presenta o país e a autora que corresponde, xunto cunhas breves notas sobre os mesmos e as súas creacións.

A primeira muller á que se lle dedica a investigación foi Maruja Mallo, pintora surrealista galega do século XX. Son os alumnos e alumnas da ESO os que estudan esta figura e os que recrean algunhas das súas obras con materiais plásticos reciclados.

Caricatura de Maruja Mallo e biografía

Entrada do centro

Obras de Maruja Mallo feitas con plásticos reciclados:

"Máscaras"

"Máscara tres-vinte"

"o racimo de uvas"

Proxecto Voz Natura:”#senplastiFICAR”

PROXECTO VOZ NATURA:”#senplastiFICAR”

Este curso participamos en Voz Natura cun proxecto centrado en actividades relacionadas coa eliminación dos plásticos chamado “#senplastiFICAR”.

 O punto de partida para o proxecto será a concepción do cole como un gran barco que navegará polos océanos buscando e limpando os plásticos que vai atopando ao seu paso, por iso, o noso centro está decorado cunha ambientación moi marítima:

Teitos de cores

Teitos de cores con plásticos reciclados na entrada do cole. 

Voz Natura 19/20

      O noso centro participa, desde hai cinco anos, no programa Voz Natura, un programa de educación medioambiental posto en marcha pola Fundación Santiago Rey Fernández-Latorre no curso 1997/1998.

      Aproveitando a proposta temática que Voz Natura fai para este curso 19/20, cun chamamento especial para a redución da produción e consumo de plásticos, participaremos cun proxecto chamado "#senplastiFICAR" centrado en actividades relacionadas coa eliminación dos plásticos  e a procura de alternativas máis sustentables e respectuosas co medio ambiente.

Benvidos e benvidas!!!

        Desde o CPR Jorge Juan de Xuvia, Narón, queremos darvos a todos e a todas a benvida ao noso novo blogue "A ribeira da Jorge" onde daremos visibilidade  ás actividades e proxectos medioambientais levados a cabo no noso centro.